Буряад Уласта Арадай Хурал тухай хуули ёһо зохёогшодой нэгэн болохо хүндэ хүшөө нээгдэбэ

Буряадай Арадай Хуралай депутадууд гүрэн түрын элитэ ажаябуулагша Владимир Сагановай хүшөө нээлгын ёһололдо хабаадаба. Владимир Саганов хадаа Буряад Уласай засаг түрын байгуулалтада нилээд горитой хубита оруулһан, уласай Конституци абахые үүсхэгшэдэй нэгэн мүн. Тэрэшэлэн, Буряад Уласай Арадай Хурал тухай хуули зохёолгодо тон ехэ хабаатай.

Буряад орондо Владимир Сагановай нэрэтэй үйлэдбэрилгын, хүдөө ажахын, хүн уладые хангамжын, соёлой гэхэ мэтын һалбаринууд сэхэ холбоотой байха. 1990 онуудай эхеэр СССР гүрэнэй һандаржа байха үедэ ажалайнь намтарай тон хүндэ хүшэр хугасаа тудаа бэлэй. Эгээл тэрэ сагта Буряад Уласай Сайдуудай Зүблэлэй Түрүүлэгшэ боложо, улас түрэеэ толгойлоо һэн.

1994 ондо Владимир Бизьяевич Буряад Уласай Арадай Хуралай нэгэдэхи зарлалай депутадаар һунгагдажа, мүнгэ һанганай талаар хорооной түрүүн орлогшын, удаань түрүүлэгшын харюусалгата тушаалнуудта хүдэлөө һэн. Аргагүй ехэ дүй шадабаринь, мэргэжэлынь улас түрын хуули зохёолгын засагай тэнжэлгэдэ туһалаа.

 

Восток-телеинформ